ეკლესია ჯვრის გარეშე

19 სექტემბერს კუნძულ ახტამარზე მდებარე სურბ ხაჩის ეკლესიაში საღვთო ლიტურგია გაიმართა. ექვსიდან რვა ათასამდე სომეხი, როგორც თურქები ელოდნენ, კუნძულზე არ ჩასულა. 

საუკუნოვანი დუმილის შემდეგ სურბ ხაჩის ეკლესიაში საღვთო ლიტურგია გაიმართა, თუმცა, ჯვარი, რომელიც ამ დღისთვის ეკლესიის გუმბათზე უნდა ყოფილიყო, არ აღმართულა. სომხებს, რომელთაც ჯერ კიდევ ვერ გადაეწყვიტათ, ჩასულიყვნენ თუ არა კუნძულზე, ეს ფაქტი გადაწყვეტილების მიღებაში დაეხმარა და სომეხთა 90%-ზე მეტმა ლიტურგიაზე დასწრებაზე უარი თქვა.

მოსამართლეებზე ზეწოლის საფრთხე

კონსტიტუციის პროექტის მიხედვით მოსამართლეები უვადოდ სამწლიანი გამოსაცდელი ვადის შემდეგ ინიშნებიან. ვენეციის კომისიის შენიშვნა საკონსტიტუციო პროექტზე, რომელიც ყურადღების მიღმა დარჩა.

საქართველოს პარლამენტმა 123 ხმით 4-ის წინააღმდეგ, კონსტიტუციის ცვლილებებისა და დამატებების პროექტი პირველი მოსმენით დაამტკიცა. ცვლილებების პროექტში გათვალისწინებულია ვენეციის კომისიისა და ოპოზიციის რამდენიმე რეკომენდაცია, რომელიც კონსტიტუციაში ორგანული კანონის, საკუთრების უფლებისა და შრომის კოდექსის დაფიქსირებას ეხება. თუმცა, არავინ საუბრობს ვენეციის კომისიის კიდევ ერთ შენიშვნაზე, რომელიც მოსამართლეების უვადოდ დანიშვნამდე, სამწლიან გამოსაცდელ ვადას ეხება.

ვალდებულება და რეალობა

რა ვადებში უნდა გასცეს საჯარო მოხელემ საჯარო ინფორმაცია და რას ავალდებულებს მათ საქართველოს ზოგადი ადმინისტრაციული კოდექსის 49-ე მუხლი. 
21 სექტემბერს ,,სამხრეთის კარიბჭემ’’ახალციხის მუნიციპალიტეტის გამგეობას შემდეგი განცხადებით მიმართა:
,,საქართველოს ზოგადი ადმინისტრაციული კოდექსის 37-ე, 38-ე და მე-40 მუხლების თანახმად, გთხოვთ, მოგვაწოდოთ შემდეგი ინფორმაცია:
1. როგორ რეგულირდება გარე ვაჭრობა ახალციხეში?
2. ინფორმირებულია თუ არა მუნიციპალიტეტის გამგეობა რა მდგომარეობაა კვირა დღეს იაძის ქუჩაზე? (ბაზრისა და ბანეკბის მიმდებარე ტერიტორია).
3. ვინაა უფლებამოსილი მოაწესრიგოს იაძის ქუჩაზე მიმდინარე ვაჭრობა კვირა დღეს?
4. სად შეუძლიათ გლეხებს პროდუქტის გაყიდვა? ხომ არ იგეგმება მათთვის ქალაქში სპეციალური ადგილის გამოყოფა?
5. როგორ აპირებთ ამ პრობლემის მოგვარებას?”

უნივერსიტეტში ახალი საწავლო წელი დაიწყო

13 სექტემბერს ახალციხის სახელმწიფო სასწავლო უნივერსტეტში ახალი სასწავლო წელი დაიწყო. 338 პირველკურსელიდან 315 საბაკალავრო, ხოლო 23, ეროვნებით სომეხი სტუდენტი, ქართული ენის შემსწავლელ პროგრამებზე ჩაირიცხა. 
ახალციხის სახელმწიფო სასწავლო უნივერსტეტს წელს საბაკალავრო პროგრამებზე 460 ადგილი ჰქონდა გამოცხადებული. თუმცა აქედან, მხოლოდ 338 ადგილი შეივსო.
,,დანარჩენი ადგილები თავისუფალი დარჩა. მაგრამ, სხვა სასწავლებლებთან შედარებით, ჩვენთან უკეთესი მდგომარეობა იყო. რადგან მთელ საქართველოში 11 ათასი ვაკანტური ადგილი დარჩა’’, - გვიხსნის ახალციხის სახელმწიფო სასწავლო უნივერსიტეტის სასწავლო პროცესების მართვის ხელმძღვანელი ნიკო ახალკაცი.

ინგლისური ენის არცოდნა დიპლომზე აისახება

განათლების მინისტრის ბოლო ინიციატივა - ინგლისური ენის ცოდნა ყველა სპეციალობის სტუდენტისთვის სავალდებულო ხდება.

განათლებისა და მეცნიერების მინისტის, დიმიტრი შაშკინის ინიციატივით, სტუდენტი რომელიც ინგლისურ ენას ვერ ჩააბარებს დიპლომის გარეშე დარჩება.
,,2011 წელს დიპლომს ვერ მიიღებს სტუდენტი, თუ არ ჩააბარებს ინგლისურ ენას”,_პირველად ეს ინიციატივა, დიმიტრი შაშკინმა, ბათუმში, მთავრობის გასვლით სხდომაზე გააჟღერა.

სიახლეს სტუდენტების უმრავლესობა უარყოფითად შეხვდა, ნაწილს მიაჩნია, რომ არჩევანის საშუალება უნდა ჰქონდეთ და სასურველი უცხო ენა თავად უნდა აირჩიონ. მეორე ნაწილს კი მიაჩნია რომ, ეს ერთ-ერთი ყველაზე კარგი სტიმულია ინგლისური ენის შესასწავლად.

სახელმძღვანელოების ფასი ყოველ წელს მატულობს

მეორე კვირაა, რაც ახალი სასწავლო წელი დაიწყო. უკვე გარკვეულია რომელი წიგნებით ისწავლიან სკოლები. ,,სამხრეთის კარიბჭე'' შეეცადა გაეგო რა ჯდება სასკოლო სახელმძღვანელოების შეძენა.

ახალი სასწავლო წლის დაწყებასთან ერთად, აქტუალური გახდა სასკოლო წიგნების ფასებიც. სკოლებმა სახელმძღვანელოები უკვე აირჩიეს.

სასკოლო წიგნები საქართველოს მთელ ტერიტორიაზე სხვადასხვა ადგილას სხვადასხვა ფასად იყიდება. განათლებისა და მეცნიერების მინისტრის განცხადებით ფასი თითქმის ყველა სახელმძღვანელოს უკანა ყდაზე აწერია. თუმცა, მშობლები ამბობენ, რომ ყველა წიგნს ერთი ან ორი ლარი მაინც აქვს დამატებული. მიუხედავად ამისა, საკანცელარიო მაღაზიებში, სადაც სასკოლო წიგნებიც იყიდება, მაინც ხალხმრავლობაა. იმ შემთხვევაში, თუ რომელიმე სახელმძღვანელო მაღაზიაში არ აღმოჩნდება, გამყიდველს შეკვეთით ჩამოაქვს.

სოფლები ექიმების გარეშე

სოფლის ექიმები გადასამზადებელ პროგრამაში ვერ ერთვებიან. 2011 წლიდან შესაძლოა არა ერთი სოფელი ექიმის გარეშე დარჩეს.

სოფლის ექიმებს, რომლებიც სპეციალურ გადასამზადებელ პროგრამას ვერ გაივლიან, 2011 წლიდან ხელშეკრულებებს აღარ გაუგრძელებენ. ე.წ. ოჯახის ექიმის მოსამზადებელი პროგრამა ექვსთვიანია და მსურველებს მათი გავლა მხოლოდ დედაქალაქში შეუძლიათ.

ყაზახეთის მიტროპოლიტი ალექსანდრე ბორჯომში

  

 ხუთდღიანი ვიზიტით, საქართველოში ყაზახეთის მიტროპოლიტი ალექსანდრე იმყოფებოდა. იგი სამი დღის განმავლობაში ბორჯომ-ბაკურიანის ეპარქიას სტუმრობდა.

13 სექტემბერს, ბორჯომის წმინდა ნიკოლოზის სახელობის ტაძარში, ყაზახეთის მიტროპოლიტმა ალექსანდრემ პარაკლისი რუსულ ენაზე გადაიხადა.

ახალქალაქში დახურული აუზი შენდება

ახალქალაქში, სპორტული კომპლექსის ახლოს, დახურული აუზის მშენებლობის დასრულება დეკემბრისთვის იგეგმება.

დახურულ აუზზე იქნება განყოფილება უფროსებისთვის 25-11 მ/მ, და ბავშვებისთვის 10-5 მ/მ. აუზთან ერთად საშხაპისა და საუნის მშენებლობაცაა დაგეგმილი. მუნიციპალიტეტის გამგეობის ეკონომიკისა და ინფრასტრუქტურის განვითარების სამსახურის ხელმძღვანელის ვაან ბატოიანის თქმით, აუზის შენობაში იქნება გათბობა, რათა მოსახლეობამ აუზით სარგებლობა წლის ნებისმიერ დროს მოახერხოს.

სურბ ხაჩის ეკლესია განახლდა

სურბ ხაჩის ეკლესია, ექვსთვიანი რემონტის შემდეგ, კვლავ გაიხსნა.  
საქართველოს სომეხთა ეპარქიის წინამძღვარმა ეპისკოპოსმა ვაზგენ მირზახანიანმა, სამცხე-ჯავახეთის სულიერ მოძღვარ ბაბკენ სალბიანთან და სურბ ხაჩის ეკლესიის მღვდელთან ტატევ მარუკიანთან ერთად განახლებული ეკლესია, ღვთისმშობლის ფერიცვალების დღეს საზეიმოდ გახსნა. მათ წმინდა ღვთისმსახურება აღავლინეს და ყურძნის კურთხევისა და მსხვერპლის კურთხევის ტრადიციული ცერემონია ჩაატარეს.

დამსაქმებლის ნებაზე მოწყობილი კანონი

რამდენად ხშირად ირღვევა შრომითი უფლებები. იცავს თუ არა მოქმედი შრომის კოდექსი დასაქმებულებს. რამდენად ხშირია სასამართლო დავები და რა შედეგებით სრულდება მათი უმრავლესობა.
ახალციხის მუნიციპალიტეტის სოფელ საძელის საჯარო სკოლაში დაწყებულმა დავამ სასამართლოში ორი წლის წინ გადაინაცვლა. პედაგოგები ჰაიკ ნაჰაპეტიანი, ვარსქენიკ ნაჰაპეტიანი, სოს ნაჰაპეტიანი და ზარუი სიმონიანი შრომითი უფლებების დაღვევის შესახებ სკოლის დირექტორს ბაგდასარ ოგანესიანს ედავებიან.

ფიზკულტურის მასწავლებელი სოს ნაჰაპეტიანი აცხადებს, რომ დირექტორმა პედაგოგები სკოლიდან პირადი ანგარიშსწორების გამო დაითხოვა. ყველაფერი კი სკოლის დირექტორთა შესარჩევი გამოცდების დასრულების შემდეგ დაიწყო: ,,წარმატებით გავიარე ყველა ეტაპი და დირექტორობის ერთადერთი კანდიდატი ვიყავი. მაგრამ სკოლაში არჩევნებამდე ერთი კვირით ადრე, ჯერ სამეურვეო საბჭოს წევრობიდან, შემდეგ კი მასწავლებლობიდანაც გაათავისუფლა ზარუი სიმონიანი და ჰაიკ ნაჰაპეტიანი''.

ხანძარი რეგიონში

ხანძარი აწყურში.

ცხელი ზაფხული და ხანძრის კერები სამცხე-ჯავახეთში. 
საქართველოს გარემოს დაცვისა და ბუნებრივი რესურსების სამინისტროს სატყეო სააგენტოს მონაცემებით, წელს ზაფხულის განმავლობაში გაჩენილმა ხანძარმა 430 ჰექტარი ფართობის ტყის მასივი გაანადგურა. ყველაზე მასშტაბური ხანძარი აწყურის სატყეო უბანზე იყო.  ზაფხულის ხანძრებმა ყველაზე მეტად სამცხე-ჯავახეთის რეგიონი დააზარალა. 2008 წელს აგვისტოს თვეში 950 ჰექტარზე გადამწვარ ტყეს წლევანდელი 300 ჰექტარიც დაემატა. ხანძარი აწყურში ოთხ აგვისტოს აწყურის სატყეო უბანში გაჩენილი ცეცხლის ჩაქრობა თითქმის მთელი თვის განმავლობაში ვერ მოხერხდა.

სოფლის პროდუქტები ქუჩაში

მოვაჭრეები - ბაზრის მიმდებარე ტერიტორიაზე.

მტვერი, მწერები და ძაღლები – გარემო, სადაც გლეხები სოფლის პროდუქტს ყიდიან

რა პირობებში იყიდება სოფლის პროდუქტები; უქმნის თუ არა საფრთხეს ქუჩაში ნაყიდი საკვები მოქალაქეების ჯანმრთელობას; რატომ ამჯობინებე;ნ გლეხები ბაზარში შესვლას გარეთ დგომას და რა არის საჭირო პრობლემის მოსაგვარებლად. ახალციხის მუნიციპალიტეტის სოფელ ჭაჭარაქში მცხოვრები მედიკო ზედგინიძე ახალციხის აგრარული ბაზრის მიმდებარე ტერიტორიაზე ხახვსა და კარტოფილს ყიდის. იგი საპირფარეშოების მოპირდაპირედ, ტროტუარზე დგას. ირგვლივ არც გადახურულია რამე, პროდუქტი წვიმისა და მზისგან რომ დაიცვას და არც დახლი და სკამი დგას, გამყიდველმა ცოტა ხნით ჩამოჯდომა რომ შეძლოს.

კურორტი მიუვალი გზებით

სასტუმრო ,,თბილისისკენ” მიმავალი გზა.

  ბორჯომში, შიდა ქუჩებზე ასფალტი არ აგია, ან თუა, ისიც მრავალი წლის წინაა დაგებული და ამორტიზირებულია.
ახალშენის დასახლებაში მცხოვრებლები უკმაყოფილებას გამოთქვამენ ამორტიზირებული გზების გამო.,,ჩვენს ქუჩაზე სულ ტალახია, ამჟამად წყალკანალიƯ0;აციის მშენებლობაც მიმდინარეობს და გაუსაძლის პირობებში ვართ. გვეუბნებიან, რომ წელს არ მოხდება ქუჩების მოასფალტება, რა გვეშველება არ ვიცი როდემდე უნდა ვიყოთ ასე?!"- ამბობს სვეტა ხაჩიძე.

ცვლილებები განათლების სისტემაში

ნეტბუქები პირველკლასელთათვის

2010-2011 სასაწავლო წელი საქართველოს საჯარო სკოლებში 15 სექტემბერს სიახლეებით დაიწყო.

საქართველოს განათლებისა და მეცნიერების მინისტრის გადაწყვეტილების თანახმად, ამიერიდან, სასწავლო წელი ყველა სკოლაში 15 სექტემბერს დაიწყება. წლევანდელი სასწავლო წლიდან სკოლებში არაერთი პროექტის განხორციელება იწყება, თუმცა მათი ნაწილი რეგიონების სკოლებში მოგვიანებით ამოქმედდება.

სემესტრები ტრიმესტრების ნაცვლად

ტრიმესტრების ნაცვლად სკოლებში სასწავლო წელი სემესტრებად დაიყოფა. პირველი სემესტრი 24 დეკემბერს დასრულდება. მეორე სემესტრი 20 იანვრიდან განახლდება. პირველი და მეთორმეტე კლასის მოსწავლეები სწავლას 20 მაისს დანარჩენი კლასების მოსწავლეები კი 15 ივნისს დაასრულებენ.

სკოლა დაიწყო

15 სექტემბერს საქართველოს ყველა სკოლაში პირველი ზარი დაირეკა. 2010-2011 სასწავლო წელი დაიწყო. 

დილის 9 საათზე ახალციხის მუნიციპალიტეტში არსებულ 37 საჯარო სკოლაში, საქართველოს ჰიმნი ერთდროულად გაისმა. სწავლა მხოლოდ სოფელ ფერსის საჯარო სკოლაში არ დაწყებულა. სარემონტო სამუშაოების გამო აღნიშნულ სკოლაში ახალი სასწავლო წელი სავარაუდოდ ერთ კვირაში, 20 სექტემბერს დაიწყება.

ახალციხის საჯარო სკოლებიც ახალ სასწავლო წელს სიახლეებით შეხვდნენ. მეორე საჯარო სკოლას განათლების სამინისტრომ არაქართველი მოსწავლეებისთვის ისტორიის და გეოგრაფიის წიგნები გადასცა. წიგნები მეშვიდედან მეთორმეტე კლასის ჩათვლით მოსწავლეებისთვის არის განკუთვნილი.

რეფორმით ბევრი მასწავლებელი უკმაყოფილოა

სწავლა უკვე დაიწყო, თუმცა, სიტუაცია კვლავ გაურკვეველია. სკოლაში დანერგილმა სიახლეებმა, რასაც სწავლის პროცესის გაუმჯობესება უნდა მოჰყოლოდა, მხოლოდ შემცირებები და მასწავლებლების უკმაყოფილება გამოიწვია. ახალქალაქში, თუმანიანის სახელობის #1 სკოლიდან 15-16 ადამიანი უნდა გაათავისუფლეს.
`შემცირება დიდია. საკუთარი ნებით სკოლიდან მხოლოდ ოთხი მასწავლებელი წავიდა~, - ამბობს ახალქალაქის #1 ზოგადსაგანმანათლებლო სკოლის დირექტორი ნოდარ დარბინიანი.
თუმანიანის სახელობის #1 სკოლაში ამ ეტაპზე გარკვეული არ არის, ვინ შეამცირეს და ვინ არა. სკოლაში 440 ბავშვი სწავლობს და 24 კლასი იყო, ახლა კლასების რიცხვი 23 -ია. პედაგოგების ნაწილს საათები შეუმცირდა, დანარჩენებს კი პირიქით.

ცარიელი საავადმყოფო

სამედიცინო მომსახურების პრობლემები ასპინძაში

შპს ასპინძის საავადმყოფო-პოლიკლინიკური გაერთიანება სათანადო აღჭურვილობის გარეშე, პაციენტების სიმცირე და სპეციალისტების გარეშე დარჩენის საფრთხე.


შპს ასპინძის საავადმყოფო-პოლიკლინიკური გაერთიანება ვარძიის 67-ში მდებარე სამსართულიან შენობაში ფუნქციონირებს. ოც წელზე ადრე აშენებეულ შენობას რემონტი პირველად მიმდინარე წლის აპრილში ჩაუტარდა. სამი სართულიდან ორის გასარემონტებლად ასპინძის მუნიციპალიტეტის ბიუჯეტიდან 165 ათასამდე ლარი გამოიყო. ამ თანხით პოლიკლინიკის პირველ სართულზე 26 კაბინეტი, სტაციონარში კი თერაპიული, ბავშვთა და ქირურგიული განყოფილებები, ანუ 13 პალატა და საოპერაციო ბლოკი გარემონტდა. მეორე სართული, სადაც სამშობიარო და გინეკოლოგიური განყოფილებებია განთავსებული, მთლიანად გასარემონტებელი დარჩა.

მობილური ტელეფონები დუმილისთვის

ადიგენის მუნიციპალიტეტის სოფელ წახანის მოსახლეობა, ბილაინის გადამცემი სადგურის გადატანას მოითხოვს.
მობილურმა ოპერატორმა კომპანია ,,ბილაინმა’’ სოფელ წახანში გადამცემი სადგური ერთი თვის წინ დაამონტაჟა.
,,სადგური ისე დაამონტაჟეს, მხოლოდ რამდენიმე კაცს ჰკითხეს, მათაც დადგმის ნებართვა უპრობლემოდ მისცეს. ყოველთვის ასე ხდება, მხოლოდ რამდენიმე კაცი წყვეტს, რა გაკეთდეს სოფელში. სადგური სხვა ადგილას უნდა გადაიტანონ”, _ კატეგორიულია სოფელ წახნის მკვიდრი ნანა პაპიძე.

მგლები სოფელში

 ადიგენის მუნიციპალიტეტის სოფელ წახანს მგლები შემოესია. მოსახლეობას უკვე გარეთ გასვლის ეშინია. მგლებმა ათეულობით სული პირუტყვი შეჭამა და დაგლიჯა. 

სოფელი წახანი კურორტ აბასთუმანში მისასვლელი ცენტრალური გზიდან ხუთ კილომეტრში მდებარეობს. სოფელს მარჯვენა მხრიდან სათიბები და ტყე აკრავს. მოსახლეობა ვარაუდობს, რომ სწორედ ამ მხრიდან ჩამოდიან მგლები.

,,ბავშვები შიშით გარეთ ვერ გაგვიშვია, პირუტყვი მგელმა დღისით შეჭამა, თან გაღმა კი არა, ან საძოვრებზე, მგელი სოფელში შემოვიდა. ვინმემ დროზე უნდა მოგვხედოს, თორემ ბავშვებს რომ მგელი დაესხას თავს, ვინ აგებს პასუხს?!” - ამბობს სონია ღვინიაშვილი.

საკონსტიტუციო რეფორმა

კონსტიტუციის ევროპული მოდელი თუ პროექტი, რომლის საბოლოო ვერსიაც კომისიამ ნაჩქარევად მიიღო? – კომისიის წევრის, ახალგაზრდა იურისტთა ასოციაციის თავმჯდომარის თამარ ხიდაშელის თვალსაზრისი კონსტიტუციის პროექტის შესახებ.


კომისიის საქმიანობის ძირითადი თარიღები

სახელმწიფო საკონსტიტუციო კომისიამ მუშაობა 2009 წლის 23 ივნისს პრეზიდენტის #348 ბრძანებულების საფუძველზე დაიწყო. კონსტიტუციური კანონის პირველი საბაზისო დოკუმენტი 2010 წლის 12 მაისს შეიქმნა და განსახილველად ვენეციის კომისიას გადაეგზავნა. კომისიამ საბაზისო დოკუმენტთან დაკავშირებით მნიშვნელოვანი შენიშვნები ბერლინის კონფერენციაზე, 2010 წლის 15-16 ივლისს მოისმინა. ამავე წლის 18 ივლისს საბაზისო დოკუმენტში მნიშვნელოვანი ცვლილებები კომისიის წევრთა უმრავლესობის ჩართულობის გარეშე შევიდა. მეორე დღეს კი, 19 ივლისს, კომისიამ პროექტის საბოლოო ვერსია მიიღო.

რძის საწარმოები ქაღალდზე

რეგიონი, სადაც წამყვანი დარგი მესაქონლეობაა, რძის შემგროვებელი საწარმოები მხოლოდ ქაღალდზე არსებობენ. რას ამბობს გლეხი და რას  სთავაზობს გლეხს მეწარმე?
ნუგზარ კაჭკაჭაშვილი ადიგენის მუნიციპალიტეტის სოფელ არალის მკვიდრია; პროფესიით მშენებელია და საქმეც მუდამ აქვს.
,,ორი ძროხა მყავს. ჩემთვის უკეთესია, რძე ჩავაბარო და ჩემს საქმეს არ მოვცდე, ამიტომაც, როცა სოფელში დადიოდა რძის შემგროვებელი მანქანა, ყოველთვის ვაბარებდი, დღეში 30 ლიტრს, 40 თეთრად და ხელზე ვიღებდი 12 ლარს”, - ამბობს ნუგზარ კაჭკაჭიშვილი.

გადასახადი – დანახარჯის მიხედვით

ახალციხეში წყლის საფასურის გადახდა მრიცხველის მონაცემების მიხედვით დაიწყო. 

წყალზე ინდივიდუალური გამრიცხველიანება 2009 წლის ივლისიდან ხორციელდება. სამუშაოები ტენდერში გამარჯვებულმა შპს ,,ასტორიამ'' შეასრულა. ოჯახებში ინდივიდუალური, ორგანიზაცია-დაწესებულებებში კი კომუნალური მრიცხველები დამონტაჟდა. წყლის გადასახადის გადახდა, მრიცხველის მონაცემების მიხედვით, გასული წლის ოქტომბრიდან უნდა დაწყებულიყო, თუმცა მრიცხველები მაშინვე არ ჩართულა.

სკოლების შეერთებით უკმაყოფილო პედაგოგები

საქართველოს განათლებისა და მეცნიერების სამინისტროს გადაწყვეტილებით, ბორჯომში სკოლების ოპტიმიზაცია განხორციელდა, რამაც მასწავლებლების, მოსწავლეებისა და მშობლების უკმაყოფილება გამოიწვია.
ბორჯომის მეორე საჯარო სკოლა არსებობიდან შვიდ ათეულ წელს ითვლის. ის ბორჯომში ერთ-ერთ ელიტარულ სკოლად მოიაზრებოდა.

მეორე საჯარო სკოლის დაშლით უკმაყოფილოა სკოლის ყოფილი დირექტორი ნუგზარ წიქარიშვილი: ,,სკოლის დაშლამ მასწავლებლების უკმაყოფილება გამოიწვია, სკოლიდან არ ხდებოდა მოსწავლეების გადინება. მოსწავლეები და მათი მშობლებიც კმაყოფილები იყვნენ სწავლების დონით".

ახალი სტრატეგია – საბუნებისმეტყველო მეცნიერებები

 საქართველოს პრეზიდენტის გადაწყვეტილებით, მომავალი წლიდან სახელმწიფო გრანტის 80 პროცენტი საბუნებისმეტყველო სპეციალობების სტუდენტების დაფინანსებას მოხმარდება, დანარჩენი 20 კი ჰუმანიტარულ მეცნიერებებზე გადანაწილდება.

ახალი ინიციატივის შესახებ პრეზიდენტმა სასტუმრო-კომპლექს ,,ბაზალეთში'' პედაგოგებთან შეხვედრისას ისაუბრა. მისი თქმით, სამწუხაროა, რომ აბიტურიენტთა უმრავლესობა არჩევანს ჰუმანიტარულ სპეციალობებზე აკეთებს, როცა თანამედროვე მსოფლიო ტექნოლოგიური წინსვლისკენ ისწრაფვის და საინფორმაციო-ტექნოლოგიურ დარგებს ავითარებს. 

ზაფხულის დაავადებები

ბოლო რამდენიმე წელიწადია, საკმაოდ იმატა კანის კიბოთი დასნებოვნებამ. ექიმი-დერმატოლოგების უმრავლესობა კი ამას, სავარაუდოდ, ზაფხულის მწველ მზეში დიდხანს ყოფნასა და სოლარიუმში მიღებულ ნარუჯს უკავშირებს. რომელი დაავადებებისთვის არის უკუნაჩვენები გარუჯვა და რა დაავადებებს იწვევს ზღვა და მზის სხივები, ამის შესახებ `სამხრეთის კარიბჭე” ექიმ-დერმატოლოგს თამილა უძილაურს ესაუბრა.

_კანის რომელი დაავადებების რისკი მატულობს ზაფხულში?

პირველ რიგში, მზეზე დიდხანს ყოფნა და გარუჯვა ძალიან ცუდად მოქმედებს სიმსივნურ წარმონაქმნებზე. მზის ულტრაიისფერი სხივების გავლენით კანზე აქტიურდება ახალწარმონაქმნები. კანზე არსებული პიგმენტური წარმონაქმნები მაქსიმალურად უნდა მოვარიდოთ მზის სხივებს.

არასწორი ნამზეურის შედეგია კანის ნაადრევი გამოშრობაც, ნაოჭები, ალერგიული რეაქციები, რომლებიც კანზე სხვადასხვა სახისა და ხარისხის გამონაყარს იწვევს; ჩნდება ფსორიაზი, ეგზემა, ალერგიული კონტაქტური დერმატიტი და ფოტოდერმატოზი, ასევე სისტემური დაავადებები.

არაქართველი აბიტურიენტებისთვის დაწესებულმა შეღავათებმა შედეგი გამოიღო

ახალქალაქელი აბიტურიენტების 80-მა პროცენტმა ქართულ უმაღლეს სასწავლებლებში ჩააბარა. 
დაუზუსტებელი ინფორმაციით, 116 ახალქალაქელი აბიტურიენტიდან, 80-მა პროცენტმა საქართველოს უმაღლეს სასწავლებლებში ჩააბარა. მათ ჯერ კიდევ არ იციან, მოუწევთ თუ არა სწავლის საფასურის გადახდა. სტუდენტებისთვის ჯავახეთიდან 100 უფასო ადგილია გამოყოფილი.

,,ნებადართული ლიტურგია”

19 სექტემბერს თურქეთში, კუნძულ ახტამარზე მდებარე სურბ ხაჩის ეკლესიაში ლიტურგია გაიმართება.

მთელი სომხური სასულიერო სამყარო, სომხური დიასპორა და მთლიანად სომხები ორ ნაწილად გაიყვნენ: ერთი მიიჩნევს, რომ თურქეთში მდებარე სურბ ხაჩის ეკლესიის ოფიციალურ გახსნაზე დასწრება ხალხს სულიერ სიმშვიდეს მოუტანს, მეორე ნაწილი კი ფიქრობს, რომ ამ ღონისძიებაში მონაწილეობა მიზანშეწონილი არ არის, რადგან ეს მხოლოდ პოლიტიკური შოუა.

რად გვიღირს ელექტროენერგიის გაყიდვა?

ჰესები სამცხე-ჯავახეთში

ეს ადგილები წყლით დაიფარება. 

  სამცხე-ჯავახეთში 10-ზე მეტი ჰიდრო-ელექტრო სადგურის აშენება იგეგმება. ემუქრება თუ არა განადგურების საფრთხე 40-მდე ისტორიულ ძეგლს; რა ეკოლოგიური კატასტროფების საშიშროება ჩნდება და რამდენად უღირს სახელმწიფოს ამ პროექტების განხორციელება.  

ბუნებრივი და ხელოვნური გაძვირება

ფქვილისა და პურის გაძვირებასთან ერთად, ფასმა მოიმატა არა მხოლოდ პურპროდუქტებზე, არამედ სიცოცხლისთვის აუცილებელ ყველა სხვა საქონელზე.

რუსეთში გაჩენილმა ხანძარმა, მარცვლეულის ცუდმა მოსავალმა ფქვილისა და შესაბამისად, პურის გაძვირება გამოიწვია. საქართველო ერთი წლის განმავლობაში 800 ათას ტონა ხორბალს მოიხმარს, საიდანაც ადგილზე მხოლოდ 15% იწარმოება. იმპორტირებული ხორბლის 95% რუსეთზე მოდის, დარჩენილი ნაწილი კი ყაზახეთიდან და უკრაინიდან შემოდის.

პატრიარქის ინიციატივა მათთვის, ვინც სტუდენტი ვერ გახდა

სრულიად საქართველოს კათალიკოს-პატრიარქი ილია მეორე საზოგადოებას საპატრიარქოს კუთვნილ მიწებზე ახალგაზრდული დასახლებების შექმნას სთავაზობს.

29 აგვისტოს, ანჩისხატობის დღესასწაულზე, ქადაგებისას ილია მეორემ ორი მნიშვნელოვნი იდეა მიაწოდა საზოგადოებას. პატრიარქი ეკლესიის საკუთრებაში არსებული მიწის მოსახლეობისთვის გადაცემისა და სპეციალური სოფლების შექმნის ინიციატივით გამოდის. უწმინდესმა იმ სოფლების შესახებაც ისაუბრა, სადაც კარგი ნიადაგია, მაგრამ აღარავინ ცხოვრობს და აღნიშნა, რომ კარგი იქნება თუ ამ სოფლებში ახალგაზრდები დასახლდებიან.

გარდა ამისა, მან აღნიშნა, რომ საქართველოში ახალი სოფლებიც უნდა გაშენდეს: `საქართველოს ეკლესიას აქვს რამდენიმე ათასი ჰექტარი მიწის ფართობი. მზად ვარ მთელი ეს მიწა გადავცე იმ ხალხს, რომელიც შექმნის ასეთ სოფელს. ამ სოფელში იქნება ტაძარი, სკოლა, დასასვენებელი ადგილები~.

პატრიარქმა იმ ახალგაზრდების მომავალზეც ისაუბრა, რომლებიც წელს უმაღლესი სასწავლებლების გარეთ დარჩნენ. საპატრიარქო მზად არის გახსნას სამწლიანი ლიცეუმები, სადაც ახალგაზრდები სხვადასხვა ხელობას დაეუფლებიან და ზოგად განათლებას გაიღრმავებენ. პატრიარქი გეგმავს, რომ ინიციატივა განათლებისა და მეცნიერების მინისტრს, დიმიტრი შაშკინს წარუდგინოს.

ფრთხილად – ასპინძაში თურქულია

ასპინძის მუნიციპალიტეტის სოფლებში დაავადება თურქულია გავრცელებული. თითქმის ყოველ მეორე ოჯახში საქონელი, ცხვარი ან ღორია დაავადებული, ვაქცინა კი არ კეთდება.
თვეზე მეტია რაც ასპინძის მუნიციპალიტეტის სოფელ ოშორაში თურქული გავრცელდა.

პროფილაქტიკური ვაქცინაცია ასპინძის მხოლოდ საზღვრისპირა სოფლებში ჩატარდა, დანარჩენი მოსახლეობა კი თურქულს შიშველი ხელებით ებრძვის.

ამავე სოფელში მცხოვრებმა ნორა ბუცხრიკიძემ დილით საბალახოდ ჯანმრთელი საქონელი გაუშვა, საღამოს კი შინ დაავადებული პირუტყვი დაუბრუნდა: `დორბლი სდიოდათ პირიდან, ჩლიქებიც სტკიოდათ და ვერ დადიოდნენ. ვერც ჭამდნენ. მერე ხბოებსაც გადაედოთ. სულ ხუთი სული დამიავადდა.

პედაგოგთა სერთიფიცირების არასახარბიელო შედეგი

მასწავლებელთა პირველი სასერთიფიკაციო გამოცდის შედეგები უკვე ცნობილია. 10 ათასზე მეტი პედაგოგიდან სერთიფიცირებული მასწავლებელი მხოლოდ 1147 გახდა.
მასწავლებელთა სასერთიფიკაციო გამოცდა ივლისში ჩატარდა. სერთიფიცირებული მასწავლებლის სტატუსის მოპოვება წელს მხოლოდ ქართული ენისა და ლიტერატურის, უცხო ენებისა და მათემატიკის მასწავლებლებს შეეძლოთ. ამისათვის, შესაბამისი სპეციალობის გარდა, თითოეულ მასწავლებელს მეორე გამოცდა პროფესიულ უნარებში უნდა ჩაებარებინა.

ერთიანი ეროვნული გამოცდების შედეგები

გამოცდების ეროვნულმა ცენტრმა ერთიანი ეროვნული გამოცდების შედეგები უკვე გამოაქვეყნა. ყველაზე ცუდი შედეგები აბიტურიენტებს საბუნებისმეტყველო საგნებში ქონდათ ამ საგნების ჩაბარების მსურველ აბიტურიენტთა რაოდენობაც მცირე იყო.

წელს სტუდენტი 23 ათასამდე აბიტურიენტი გახდა, 10 ათასზე მეტმა აბიტურიენტმა კი ეროვნულ გამოცდებში მინიმალური კომპეტენციის ზღვარი ვერ გადალახა. გამოცდების ეროვნული ცენტრის მონაცემებით, უმაღლეს სასწავლებლებში 11 ათასზე მეტი ვაკანტური ადგილი დარჩა, სადაც პირველადი განაცხადის შედეგად ვერცერთი აბიტურიენტი ვერ მოხვდა.

პრობლემები სომხურ სკოლებში

საქართველოს ზოგადსაგანმანათლებლო სკოლებში სომხური ენის საათები რვიდან ხუთ საათამდე შემცირდა.
27 აგვისტოს, ჯავახეთში არაოფიციალური ვიზიტით მყოფ სომხეთის განათლების მინისტრთან არმენ აშოტიანთან შეხვედრისას, ახალქალაქის თუმანიანის სახელობის #1 ზოგადსაგანმანათლებლო სკოლის მასწავლებლებმა, სხვა პრობლემებთან ერთად, მინისტრს სომხური ენის საათების შემცირებაზეც ესაუბრნენ.